அருட்சகோதரர்:
தந்தை மகன் தூய ஆவியின் பெயராலே..
அனைவரும்:
ஆமென்
அருட்சகோதரர்:
நம் ஆண்டவராகிய இயேசுக்கிறிஸ்துவின் அருளும் , கடவுளின் அன்பும்,தூய ஆவியின் நட்புறவும் உங்கள் அனைவரோடும் இருப்பதாக..
அனைவரும்:
உம் ஆன்மாவோடும் இருப்பதாக.
பாவங்களை அறிக்கைபண்ணி மன்னிப்பு கேட்கும் ஜெபம்:
அருட்சகோதரர்:
சகோதர சகோதரிகளே.. தூய மறை நிகழ்வுகளைக் கொண்டாட நாம் தகுதி பெறும் பொருட்டு, நம் பாவங்களுக்காக மனம்வருந்தி , ஆண்டவரிடம் மன்னிப்பு கேட்போம்…
(அமைதி)
அனைவரும்
எல்லாம் வல்ல இறைவனிடமும், சகோதர சகோதரிகளே உங்களிடமும், நான் பாவி என்று ஏற்றுக்கோள்கின்றேன். ஏனெனில் என் சிந்தனையாலும் சொல்லாலும் செயலாலும் கடமையில் தவறியதாலும் பாவங்கள் பல செய்தேன்.(மார்பில் தட்டிக்கொண்டு) என் பாவிமே என் பாவமே என் பெரும் பாவமே… ஆகையால் எப்போதும் கன்னியான புனித மரியாவையும் வானதூதர் புனிதர் அனைவரையும், சகோதர சகோதரிகளே உங்களையும் நம் இறைவனாகிய ஆண்டவரிடம் எனக்காக வேண்டிக்கொள்ள மன்றாடுகிறேன்.
அருட்சகோதரர்:
எல்லாம் வல்ல இறைவன் நம்மீது இரக்கம் வைத்து , நம் பாவங்களை மன்னித்து, நம்மை நிலைவாழ்விற்கு அழைத்துச்செல்வராக…
அனைவரும்
ஆமென்.
மன்னிப்பு வேண்டுதல்:
அருட்சகோதரர்:
ஆண்டவரே இரக்கமாயிரும்..
அனைவரும்:
ஆண்டவரே இரக்கமாயிரும்.
அருட்சகோதரர்:
கிறிஸ்துவே இரக்கமாயிரும்..
அனைவரும்:
கிறிஸ்துவே இரக்கமாயிரும்..
அருட்சகோதரர்:
ஆண்டவரே இரக்கமாயிரும்…
அனைவரும்:
ஆண்டவரே இரக்கமாயிரும்…
வானவர் கீதம்:
உன்னதங்களிலே இறைவனுக்கே மாட்சிமை உண்டாகுக.
உலகினிலே நன் மனத்தவர்க்கு அமைதியும் உண்டாகுக.
புகழ்கின்றோம் யாம் உம்மையே ;வாழ்த்துகின்றோம் இறைவனே.
உமக்கு ஆராதனை புரிந்து உம்மை மகிமைப் படுத்துகின்றோம் யாம்.
உமது மேலாம் மாட்சிமைக்காக உமக்கு நன்றி நவில்கின்றோம்.
ஆண்டவராம் எம் இறைவனே இணையில்லாத விண்ணரசே.
ஆற்றல் அனைத்தும் கொண்டு இலங்கும் தேவ தந்தை இறைவனே.
ஏகமகனாக ஜெனித்த ஆண்டவர் இயேசு கிறிஸ்து இறைவனே.
ஆண்டவராம் எம் இறைவனே இறைவனின் திருச் செம்மறியே.
தந்தையினின்று நித்தியமாகச் ஜெனித்த இறைவன் மகனே நீர்.
உலகின் பாவம் போக்குபவரே நீர் எம்மீது இரங்குவீர்.
உலகின் பாவம் போக்குபவரே எம் மன்றாட்டை ஏற்றருள்வீர்.
தந்தையின் வலத்தில் வீற்றிருப்பவரே நீர் எம்மீது இரங்குவீர்.
ஏனெனில் இயேசு கிறிஸ்துவே நீர் ஒருவரே தூயவர்.
நீர் ஒருவரே ஆண்டவர், நீர் ஒருவரே உன்னதர் ,
பரிசுத்த ஆவியுடன் தந்தை இறைவனின் மாட்சியில் உள்ளவர் நீரே ஆமென்.
சபை மன்றாட்டு :
அருட்சகோதரர்:
மன்றாடுவோமாக. ஆண்டவரே, மகிழ்வோடு உம்மைத் தேடி வந்துள்ள எங்களுக்கு உம் திருமுகத்தைக் காட்டியருளும். எங்கள் விசுவாசத்தையும், நம்பிக்கையையும், அன்பையும் வளரச் செய்தருளும். நீர் வாக்களிப்பதை நாங்கள் பெற்றுக் கொள்ளுமாறு, நீர் கட்டளையிடுவதை விரும்பி நிறைவேற்றுவோமாக.
உம்மோடு பரிசுத்த ஆவியின் ஐக்கியத்தில் ஒரே இறைவனாய் என்றென்றும் வாழ்ந்து, ஆட்சி செய்கின்ற எங்கள் ஆண்டவரும் உம் திருமகனாகிய இயேசு கிறிஸ்து வழியாக உம்மை மன்றாடுகிறோம்.
அனைவரும் : ஆமென்
வார்த்தை வழிபாடு
முதல் வாசகம்
( அனைவரும் அமைதியோடு அமர்ந்து பழைய ஏற்பாட்டில் இருந்து இறைவார்த்தையை கேட்போம். )
( வாசகத்தின் முடிவில்) இது ஆண்டவரின் அருள் வாக்கு!
அனைவரும் : இறைவா உமக்கு நன்றி!
பதிலுரைப் பாடல் : (வாசிக்கப்படும்)
இரண்டாம் வாசகம்…..
( வாசகத்தின் முடிவில்) இது ஆண்டவரின் அருள் வாக்கு!
அனைவரும் :
இறைவா உமக்கு நன்றி!
அல்லேலூயாப் பாடல் ( எழுந்து நின்று பாடவும் )
புதியஏற்பாட்டில் இருந்து நற்செய்தி வாசகம்.
( இறைவன் தம் திருமகன் வழியாகப் பேசுகிறார்.)
அருட்சகோதரர்:
ஆண்டவர் உங்களோடு இருப்பாராக.
அனைவரும். :
உம்மோடும் இருப்பாராக.
அருட்சகோதரர்:
புனித (நற்செய்தியாளர் பெயர்)……..எழுதிய பரிசுத்த நற்செய்தியிலிருந்து வாசகம்.
அனைவரும் :
ஆண்டவரே உமக்கு மகிமை.
அருட்சகோதரர்:
இது கிறிஸ்துவின் நற்செய்தி !
அனைவரும். :
கிறிஸ்துவே உமக்குப் புகழ்!
( மெனமாகச் சற்று நேரம் தியானிக்கவும்.)
மறையுரை: …
அருட்சகோதரர்:
நம்பிக்கை அறிக்கை:
ஒரே கடவுளை நம்புகிறேன். விண்ணகமும் மண்ணகமும்,
காண்பவை காணாதவை, யாவும் படைத்த எல்லாம் வல்ல தந்தை அவரே.
கடவுளின் ஒரே மகனாய் உதித்த ஒரே ஆண்டவர் இயேசு கிறிஸ்துவை நம்புகிறேன்.
இவர் காலங்களுக்கெல்லாம் முன்பே தந்தையிடமிருந்து பிறந்தார்.
கடவுளினின்று கடவுளாக, ஒளியின்றி ஒளியாக, உண்மைக் கடவுளினின்று உண்மைக் கடவுளாக உதித்தவர்.
இவர் உதித்தவர், உண்டாக்கப்பட்டவர் அல்லர். தந்தையோடு ஒரே பொருளானவர். இவர் வழியாகவே யாவும் படைக்கப்பட்டன.
மனிதர் நமக்காகவும், நம் மீட்புக்காகவும் விண்ணகம் இருந்து இறங்கினார்.
(“மனிதர் ஆனார்” எனச் சொல்லும் வரை எல்லாரும் தலை வணங்கவும்)
தூய ஆவியால் கன்னி மரியாவிடம் உடல் எடுத்து மனிதர் ஆனார். மேலும் நமக்காகப் பொந்தியு பிலாத்தின் அதிகாரத்தில் சிலுவையில் அறையப்பட்டுப், பாடுபட்டு, மரித்து அடக்கம் செய்யப்பட்டார்.
மறைநூல்களின்படி மூன்றாம் நாள் உயிர்த்தெழுந்தார். விண்ணகத்துக்கு எழுந்தருளி,எல்லாம் வல்ல தந்தையின் வலப்பக்கம் வீற்றிருக்கின்றார்.
வாழ்வோரையும், இறந்தோரையும் தீர்ப்பிட, மாட்சியுடன் மீண்டும் வர இருக்கின்றார். அவரது ஆட்சிக்கு முடிவு இராது.
தந்தையிடமிருந்தும் மகனிடமிருந்தும் புறப்படும் ஆண்டவரும், உயிர் அளிப்பவருமான தூய ஆவியாரை நம்புகிறேன்.
இவர் தந்தையோடும் மகனோடும் ஒன்றாக ஆராதனையும் மாட்சியும் பெறுகின்றார். இறைவாக்கினர்கள் வாயிலாகப் பேசியவர் இவரே.
.தூய கிறிஸ்தவ சபைகளையும் பாவ மன்னிப்புக்கான ஒரே திருமுழுக்கை யும் ஏற்றுக்கொள்கிறேன்.
மரித்தோரின் உயிர்ப்பையும், வரவிருக்கும் மறு உலக வாழ்வையும் எதிர்பார்க்கிறேன். ஆமென்.
அருட்சகோதரர்:
ஜெபம்:
உம்மோடு தூய ஆவியாரின் ஒன்றிப்பில் ஒரே இறைவனாய் என்றென்றும் வாழ்ந்து, ஆட்சி செய்கின்ற எங்கள் ஆண்டவரும் உம் திருமகனுமாகிய இயேசு கிறிஸ்து வழியாக உம்மை மன்றாடுகிறோம்.
அனைவரும்: ஆமென்.
மன்றாட்டுக்கள்:
( மன்றாட்டு சொல்லவிரும்புபவர்கள் சொல்வார்கள்)
அனைவரும்:
எல்லாம் வல்ல இறைவா எம் மன்றாட்டை கேட்டருளும்.
நற்கருணை வழிபாடு:
அருட்சகோதரர்:
அப்பத்தை ஒப்புக்கொடுக்கும் போது
ஆண்டவரே, அனைத்துலகின் இறைவா, உம்மைப் போற்றுகிறோம். ஏனெனில் உமது அருட்பெருக்கிலிருந்து நாங்கள் இந்த அப்பத்தைப் பெற்றுக்கொண்டோம். நிலத்தின் விளைவும் மனித உழைப்பின் பயனுமான இந்த அப்பத்தை உமக்கு ஒப்புக் கொடுக்கிறோம். இது எங்களுக்கு வாழ்வளிக்கும் அப்பமாக மாறும்.
அனைவரும்:
இறைவன் என்றென்றும் வாழ்த்தப் பெறுவாராக.
அருட்சகோதரர்:
இரசத்தில் தண்ணீர் கலக்கும் போது மனதில் சொல்லத்தக்க ஜெபம்:
கிறிஸ்து நம் மனித இயல்பில் பங்கு கொள்ளத்திருவுளமானார். இத்தண்ணீர் இரசம் இவற்றின் மறைபொருள் வழியாக நாமும் அவருடைய இறை இயல்பில் பங்குபெறுவோமாக.
அருட்சகோதரர்:
இரசத்தை ஒப்புக்கொடுக்கும் போது)
ஆண்டவரே, அனைத்துலகின் இறைவா, உம்மைப் போற்றுகிறோம். ஏனெனில் உமது அருட்பெருக்கிலிருந்து நாங்கள் இந்த இரசத்தைப் பெற்றுக்கொண்டோம். திராட்சைக் கொடியும், மனித உழைபபும் தந்த இந்த இரசத்தை உமக்கு ஒப்புக் கொடுக்கிறோம். இது எங்கள் ஆன்மபானமாக மாறும்.
அனைவரும்:
இறைவன் என்றென்றும் வாழ்த்தப் பெறுவாராக.
அருட்சகோதரர்:
தலைகுனிந்து: எம் இறைவனாகிய ஆண்டவரே, தாழ்மையான மனத்தோடும் நொறுங்கிய உள்ளத்தோடும் வருகின்ற எங்களை ஏற்றருளும். நாங்கள் இன்று உம் திருமுன் ஒப்புக்கொடுக்கும் இத்திருப்பலி உமக்கு உகந்தது ஆவதாக.
அருட்சகோதரர்: கைகளைக் கழுவும் போது :
ஆண்டவரே குற்றம் நீங்க என்னைக் கழுவியருளும் பாவத்திலிருந்து என்னைத் தூய்மைப்படுத்தும்.)
அருட்சகோதரர்:
சகோதர சகோதரிகளே! என்னுடையதும் உங்களுடையதுமான இப்பலி எல்லாம் வல்ல தந்தையாகிய இறைவனுக்கு ஏற்றதாகும்படி மன்றாடுங்கள்.
அனைவரும்:
ஆண்டவர் தமது பெயரின் புகழ்ச்சிக்காகவும், மாட்சிக்காகவும், நமது நன்மைக்காகவும், புனிதத் திரு அவை அனைத்தின் நலனுக்காகவும், உமது கையிலிருந்து இப்பலியை ஏற்றுக்கொள்வாராக.
காணிக்கை மன்றாட்டு:
அருட்சகோதரர்:
ஜெபம்
எங்கள் ஆண்டவராகிய இயேசு கிறிஸ்து வழியாக உம்மை மன்றாடுகிறோம்.
அனைவரும்:
ஆமென்.
நற்கருணை செபம்:
அருட்சகோதரர்:
ஆண்டவர் உங்களோடு இருப்பாராக.
அனைவரும்:
உம் ஆன்மாவோடும் இருப்பாராக.
அருட்சகோதரர்:
இதயங்களை மேலே எழுப்புங்கள்.
அனைவரும்:
ஆண்டவரிடம் எழுப்பியுள்ளோம்.
அருட்சகோதரர்:
: நம் இறைவனாகிய ஆண்டவருக்கு நன்றி கூறுவோம்.
அனைவரும்:
அது தகுதியும் நீதியும் ஆனதே.
அருட்சகோதரர்:
ஆண்டவரே பரிசுத்த தந்தையே எல்லாம் வல்ல நித்திய இறைவா எங்கள் ஆண்டவராகிய கிறிஸ்து வழியாக எந்நநாளும் எவ்விடத்திலும் நாங்கள் உமக்கு நன்றி செலுத்துவது மெய்யாகவே தகுதியும் நீதியுமாகும்.
எங்கள் கடமையும் மீட்புக்குறிய செயலுமாகும். (ஜெபத்தின் முடிவில்…) ஆகவே, வானதூதர் அணி அணியாக உம் திருமுன் நின்று, இரவும் பகலும் உமக்கு ஊழியம் புரிகின்றனர்.
உமது திருமுகத்தின் மாண்பினைக் கண்டு மகிழ்ந்து, உம்மை இடையறாது புகழ்கின்றனர்;. அவர்களோடு நாங்களும், எங்களோடு பூவுலகப் படைப்புகள் அனைத்தும், உமது திருப்பெயரை அக்களிப்புடன் புகழ்ந்து பாடுவதாவது,,,,,,,,,,,,,,,
தூயவர்பாடல்:
தூயவர் தூயவர் தூயவர்! வான் படைகளின் கடவுளாம் ஆண்டவர். விண்ணகமும் மண்ணகமும் உமது மாட்சியால் நிறைந்துள்ளன.
உன்னதங்களிலே ஓசன்னா! உன்னதங்களிலே ஓசன்னா! ஆண்டவர் பெயரால் வருகிறவர் ஆசி பெற்றவரே. உன்னதங்களிலே ஓசன்னா! உன்னதங்களிலே ஓசன்னா!
நற்கருணை மன்றாட்டு……
(நான்கு வகையான நற்கருணை மன்றாட்டுகள் உள்ளன.
அருட்சகோதரர் ஏதாவது ஒன்றைச் சொல்லுவார். இராவுணவின் போது இயேசு சொன்ன வார்த்தைகளைச் சொல்லி முடித்து, அப்ப இரசத்தை ஒப்புக்கொடுத்த பின்…)
அருட்சகோதரர்: இது நம்பிக்கையின் மறைபொருள்!
அனைவரும்:
ஆண்டவரே, நீர் வருமளவும் உமது இறப்பினை அறிக்கையிடுகின்றோம், உமது உயிர்ப்பினையும் எடுத்துரைக்கின்றோம்.
அல்லது.....
கிறிஸ்து மரித்தார்; கிறிஸ்து உயிர்த்தார்; கிறிஸ்து மீண்டும் வந்திடுவார்.
அல்லது.......
ஆண்டவரே, நாங்கள் இந்த அப்பத்தை உண்டு கிண்ணத்திலிருந்து பருகும்போதெல்லாம் நீர் வருமளவும் உமது மரணத்தை அறிக்கையிடுகின்றோம்.
அல்லது.........
ஆண்டவரே, உலகின் மீட்பரே, எங்களை மீட்டருளும். உமது சிலுவையினாலும் உயிர்ப்பினாலும் எங்களை மீட்டவர் நீரே!
(நற்கருணை மன்றாட்டு முடிவில்…)
அருட்சகோதரர்:
இவர் வழியாக, இவரோடு, இவரில் எல்லாம் வல்ல இறைவனாகிய தந்தையே, தூய ஆவியாரின் ஒன்றிப்பில் எல்லாப் புகழும் மாட்சியும் என்றென்றும் உமக்கு உரியதே.
அனைவரும்:
ஆமென்.
திருவிருந்து :
அருட்சகோதரர்:
மீட்பரின் கட்டளையால் கற்பிக்கப்பட்டு, இறைப்படிப்பினையால் பயிற்சி பெற்ற நாம் துணிந்து சொல்வோம்.
அனைவரும்:
விண்ணுலகில் இருக்கின்ற எங்கள் தந்தையே, உமது பெயர் தூயது எனப் போற்றப் பெறுக. உமது ஆட்சி வருக.
உமது திருவுளம் விண்ணுலகில் நிறைவேறுவது போல, மண்ணுலகிலும் நிறைவேறுக.
எங்கள் அன்றாட உணவை இன்று எங்களுக்குத் தாரும். எங்களுக்கு எதிராகக் குற்றம் செய்வோரை நாங்கள் மன்னிப்பது போல, எங்கள் குற்றங்களை மன்னியும்.
எங்களைச் சோதனைக்கு உட்படுத்தாதேயும். தீமையிலிருந்து எங்களை விடுவித்தருளும்.
அருட்சகோதரர்:
ஆண்டவரே, தீமை அனைத்திலிருந்தும் எங்களை விடுவியும்… எம் மீட்பராகிய இயேசு கிறிஸ்துவின் வருகைக்காக காத்திருக்கின்றோம்.
அனைவரும்:
ஏனெனில், ஆட்சியும், வல்லமையும், மாட்சியும் என்றென்றும் உமதே!
அருட்சகோதரர்:
ஆண்டவரே, இயேசு கிறிஸ்துவே, ‘அமைதியை உங்களுக்கு விட்டுச் செல்கிறேன்,. என் அமைதியை உங்களுக்கு அளிக்கின்றேன் என்று உம் திருத்தூதர்களுக்கு சொன்னீரே” எங்கள் பாவங்களைப் பாராமல், உமது திரு அவையின் நம்பிக்கையை கண்ணோக்கி , உமது திருவுளத்திற்கேற்ப அதற்கு அமைதியையும் ஒற்றுமையையும் அளித்தருள்வீராக! … என்றென்றும் வாழ்ந்து ஆட்சி செய்கின்றவர் நீரே.
அனைவரும்:
ஆமென்.
அருட்சகோதரர்:
ஆண்டவருடைய அமைதி உங்களோடு என்றும் இருப்பதாக.
அனைவரும்:
உம் ஆன்மாவோடும் இருப்பதாக.
அருட்சகோதரர்:
ஒருவருக்கொருவர் அமைதியைப் பகிர்ந்து கொள்வோம்.
அருட்சகோதரர்:
அப்பத்தைப் பிட்டு அதில் ஒரு பகுதியை கிண்ணத்தில போடும் போது, நம் ஆண்டவர் இயேசு கிறிஸ்துவின் திருஉடலும் திருஇரத்தமும் இங்கு ஒன்றாய் கலந்து இதை உட்கொள்ளும் நமக்கு முடிவில்லா வாழ்வளிப்பதாக.)
உலகின் பாவங்களைப் போக்கும் இறைவனின் செம்மறியே,
எங்கள் மேல் இரக்கமாயிரும்.
உலகின் பாவங்களைப் போக்கும் இறைவனின் செம்மறியே,
எங்கள் மேல் இரக்கமாயிரும்.
உலகின் பாவங்களைப் போக்கும் இறைவனின் செம்மறியே,
எங்களுக்கு அமைதியை அளித்தருளும்.
(பாடல் திருப்பலியில்)
உலகின் பாவம் போக்கும் இறைவனின் செம்மறியே! எம் மேல் இரக்கம் வையும். உலகின் பாவம் போக்கும் இறைவனின் செம்மறியே! எம் மேல் இரக்கம் வையும். உலகின் பாவம் போக்கும் இறைவனின் செம்மறியே! எமக்கு அமைதி அருளும்.
அருட்சகோதரர்:
தலை வணங்கி: ஆண்டவராகிய இயேசு கிறிஸ்துவே, நான் உட்கொள்ளும் இத்திருஉடலும் திருஇரத்தமும் என்னை நீதித்தீர்ப்புக்கும் தண்டனைக்கும் உள்ளாக்காமல் உமது பரிவிரக்கத்தால் என் உள்ளத்தையும் உடலையும் காத்திடும் அருமருந்தாகிட அருள் புரியும்.)
அருட்சகோதரர்:
இதோ, இறைவனின் செம்மறி! இதோ, உலகின் பாவங்களைப் போக்குபவர்! செம்மறியின் விருந்துக்கு அழைக்கப் பெற்றோர் பேறுபெற்றோர்!
அனைவரும்:
ஆண்டவரே! நீர் என் இல்லத்தில் எழுந்தருள நான் தகுதியற்றவன், ஆனால், ஒரு வார்த்தை மட்டும் சொல்லியருளும் எனது ஆன்மா நலம் அடையும்.
(கிறிஸ்துவின் திரு உடல் என்னைக் காத்து நித்திய வாழ்வளிப்பதாக – ஆமென்.) (கிறிஸ்துவின் திரு இரத்தம் என்னைக் காத்து நித்திய வாழ்வளிப்பதாக – ஆமென்.)
அருட்சகோதரர்:
அனைவருக்கும் நற்கருணை வழங்குவார்.)
அருட்சகோதரர்:
கிறிஸ்துவின் திரு உடல்.
நன்மை வாங்குபவர்: ஆமென்.
திருவிருந்து பாடல்:
( அனைவருக்கும் நற்கருணை வழங்கிக்கொண்டிருக்கும்போது பொருத்தமான பாடல் பாடப்படும்.)
திருவிருந்து பெற்றுக்கொண்டவர் சொல்லும் ஜெபம்
கிறிஸ்துவின் ஆன்மாவே என்னைப் புனிதமாக்கும். கிறிஸ்துவின் திரு உடலே என்னை மீட்டருளும். கிறிஸ்துவின் திரு இரத்தமே என்னை புதுப்பியும். கிறிஸ்துவின் விலாவின் தண்ணீரே என்னைக் கழுவிடும். கிறிஸ்துவின் பாடுகளே என்னைத் தேற்றிடும். என் நல்ல இயேசுவே எனக்குச் செவிசாயும். உம் திருக்காயங்களுள் என்னை மறைத்தருளும். உம்மிடமிருந்து என்னைப் பிரிய விடாதேயும். தீமைகளில் இருந்து என்னைக் காத்தருளும். ஆமென்.
நன்றி மன்றாட்டு
அருட்சகோதரர்:
செபிப்போமாக. ( :அந்த நாளுக்குத் தகுந்தவாறு ஒரு நன்றி செபத்தைச் சொல்லுவார்)
எங்கள் ஆண்டவராகிய இயேசு கிறிஸ்து வழியாக உம்மை மன்றாடுகிறோம்.
ஆமென்.
வாழ்த்தும் ஆசீரும்.
அருட்சகோதரர்:
ஆண்டவர் உங்களோடு இருப்பாராக.
உம் ஆன்மாவோடும் இருப்பாராக
. அருட்சகோதரர்:
எல்லாம் வல்ல இறைவன், தந்தை, மகன், தூய ஆவியார் உங்களுக்கு ஆசி வழங்குவாராக!
அனைவரும்:
ஆமென்.
அருட்சகோதரர்:
சென்று வாருங்கள், திருப்பலி நிறைவேறிற்று.
அனைவரும்:
இறைவனுக்கு நன்றி!
இறுதிப் பாடல்:
(பொருத்தமான இறுதிப் பாடலைப் பாடலாம். .)
